Այցելութիւն Թեհրանի կուսակալութիւն

Նոյեմբերի 22-ին, Թեհրանի հայոց թեմի Թեմական խորհրդի ատենապետ ճրտպ. Նորայր Արամեանը ընկերակցութեամբ ազգային առաջնորդարանի դիւանապետ Զօրիկ Կարապետեանի, այցելել է Թեհրանի կուսակալութիւն եւ հանդիպում ունեցել քաղաքական հարցերի տեղակալ դոկտ. Համեդ Շայեանի հետ:

Հանդիպմանը Թեմական խորհրդի ատենապետ ճրտպ. Նորայր Արամեանը անդրադառնալով գործող Թեմական խորհրդի երկամեայ գործունէութեան շրջանի աւարտին, շնորհակալութիւն եւ երախտագիտութիւն է յայտնել ընթացիկ շրջանում երկկողմ յարաբերութիւնների եւ ցուցաբերւած համագործակցութեան համար:

Դոկտ. Շայեանը, իր հերթին ողջունել ու շնորհակալութիւն է յայտնել այցի համար եւ ընդգծել փոխյարաբերութիւնների կարեւորութիւնը, յոյս յայտնելով, որ առաջիկայում կը շարունակւի նոյն ընթացքը, որը ազդեցիկ է առհասարակ աշխատանքների սահուն ընթացքի եւ հաւանական խնդիրների լուծման գործընթացի առումով:

Ազգային առաջնորդարանի Հանրային կապի գրասենեակ