Այցելութիւն ազգային առաջնորդարան

Նոյեմբերի 25-ին, Թեհրանի հայոց թեմի առաջնորդ Տ. Սեպուհ արք. Սարգսեանը, ազգային առաջնորդարանի դահլիճում ընդունել է Հ. Մ. Մ. «Նայիրի» միութեան նորընտիր վարչութեան անդամներին, ովքեր այցելել են իրենց գործունէութեան առաջին հանգրւանում Սրբազան Հօր օրհնութիւնն ստանալու:

Սրբազան Հայրը ջերմօրէն ողջունել ու շնորհաւորել է վարչութեան նորընտիր կազմին եւ անհրաժեշտ թելադրութիւնները կատարելով, յաջողութիւն մաղթել նրանց նւիրական առաքելութեան մէջ:

* * *

Նոյեմբերի 25-ին, Թեհրանի հայոց թեմի առաջնորդ Տ. Սեպուհ արք. Սարգսեանն իր գրասենեակում ընդունել է Թեհրանի Փերիոյ Կրթասիրաց միութեան վարչութեան ներկայացուցիչներին, ովքեր այցելել են Սրբազան Հօր հովանաւորութիւնը եւ օրհնութիւնը խնդրելու միութեան հիմնադրման եւ գործունէութեան 32-ամեակին նւիրւած նախաձեռնութիւնների համար, նշելով նաեւ, որ այս տարի լրանում է Փերիոյ Կրթասիրաց Միութեան Սպահանի մասնաճիւղի 95-ամեակը:

Հանդիպման ընթացքում վարչութեան ատենապետ Գասպար Ամիրխանեանը, հակիրճ զեկուցել է միութեան գործունէութեան եւ ընդհանուր աշխատանքների մասին:

Սրբազան Հայրը ջերմօրէն ողջունել եւ յաջողութիւն է մաղթել նրանց աշխատանքներին:

Ազգային առաջնորդարանի Հանրային կապի գրասենեակ