Պատերազմի լուսանկարչութեան մասնագիտական նիստ՝ Ալֆրէդ Եաղուբզադէի մասնակցութեամբ
«ԱԼԻՔ» – Թեհրանում կայացաւ «Պատերազմի լուսանկարչութիւն եւ վիզուալ փաստագրութիւն» խորագրով մասնագիտական նիստ՝ միջազգային ճանաչում ունեցող, բազմաթիւ հեղինակաւոր մրցանակների դափնեկիր լուսանկարիչ Ալֆրէդ Եաղուբզադէի մասնակցութեամբ։
Քննարկումների ընթացքում Ալֆրէդ Եաղուբզադէն անդրադարձաւ պատերազմական լուսանկարչութեան հիմնահարցերին, տեսողական պատմութեան կառուցման սկզբունքներին, ինչպէս նաեւ ներկայացրել՝ իր վերջին տարիների երկարաժամկէտ նախագծերից մի շարք աշխատանքներ։
Այս բաժնում յատուկ ուշադրութիւն է դարձւել «Մերձաւոր Արեւելքի քրիստոնեաները» նախագծին, որի շրջանակում լուսանկարիչը ԴԱԷՇ-ի եւ էխւանականների վերահսկողութեան տակ անցած տարածքներում, փաստագրել է քրիստոնեաների, մասնաւորաբար հայերի եւ ասորիների դէմ իրականացւած բռնութիւններն ու ջարդերը։ Եաղուբզադէն ընդգծել է, որ նշեալ համայնքները Օսմանեան կայսրութեան ձեռամբ իրականացւած ցեղասպանութեան հետեւանքով ձեւաւորւած ժողովուրդներ են, որոնք մէկ դար անց կրկին ենթարկւում են ցեղասպանական գործողութիւնների։
Հանդիպումը, որին մասնակցում էին Իրանի լուսանկարչութեան ոլորտի երեւելի ներկայացուցիչներ, տեղի է ունեցել երէկ՝ դեկտեմբերի 13-ին, Կինոյի թանգարանի «Սինեմատոգրաֆ» դահլիճում։
Պատկերը Մեհդի Աշնաի էջից
