Խօսք երախտագիտութեան
Մեր բոլորի սիրելի ընկ. Լեւիկ, ցաւում եմ քո կորուստը։ Դու այն հեղինակաւոր դաշնակցական գործիչներից էիր, որ հայրենասիրական, յեղափոխական եւ գաղափարական կուռ համոզումներով մեզ դաստիարակեցիր։
Ընկ. Լեւի՛կ, դու մեզ սովորեցրիր սկզբունքներ ունենալ, սովորեցրիր երկարատեւ եւ կարճատեւ ծրագրեր ունենալ, վարժեցրիր կազմակերպական կեանքին, փոխանցեցիր ընկերական կեանքի կարեւորութիւնը, սովորեցրիր հայ ժողովրդի եւ ՀՅԴ պատմութեան ուսումնասիրութիւնը։ Դու ներշնչեցիր քաջութիւն եւ ինքնավստահ աշխատելը եւ բազմաթիւ այլ փոքր ու մեծ հմտութիւններ։ Դու աշխատասիրութեան կենդանի օրինակ էիր։
Այդ բոլոր փոխանցւած դաստիարակութիւնը մեզ ուղեցոյց դարձան թէ՛ կազմակերպական եւ ազգային աշխատանքներում, եւ թէ՛ մեր անձնական կեանքում։
Երախտագէտ ենք քեզ, մեր սիրելի ընկ. Լեւի՛կ։
Միշտ վառ է մնալու քո յիշատակը մեզ մօտ։
Հոգիդ փառաւոր եւ հողը թեթեւ լինի վրադ։
Մի ընկեր (Ք.Ա.)
