Ռադիոյաճախականութիւնները ռինիտ ունեցող պացիենտներին ազատել են ականջների յաճախակի ցաւից

Ռադիոյաճախական հոսանքի փոխգործակցութիւնը եռանեարդի քթի ճիւղի հետ զգալիօրէն մեղմել է պացիենտների քրոնիկական ռինիտի ախտանշանները, ներառեալ ականջի ցաւը եւ քթով շնչելու դժւարութիւնը։ Կլինիկական փորձարկման արդիւնքները հրապարակւել են Ear, Nose & Throat Journal-ում (ENT Journal)։

Գիտնականները թեստաւորել են քրոնիկական ռինիտի բուժման նոր համակարգը 80 պացիենտների վրայ։ Նրանց հետեւել են վեց ամսւայ ընթացքում։ Մասնակիցների 91 տոկոսը նշել է հիւանդութեան ախտանշանների մեղմման մասին։ Նրանց մօտ աւելի հազւադէպ է ցաւ առաջացել, խցանւածութիւն եւ կտտոցներ ականջներում մրսածութեան ժամանակ։ Նրանց մօտ զգալիօրէն մեղմւել են նաեւ քթի ախտանշանները, ներառեալ հարբուխը եւ քթի խցանւածութիւնը։

«Սա առաջին հետազօտութիւնն է, որը ցոյց է տւել, որ եռանեարդի քթի ճիւղերի նէյրոմոդուլյացիան մեղմում է ականջների հետ կապւած քրոնիկական ռինիտի ախտանշանները»,- յայտնել են գիտնականները։