Հայաստանում գործող վարչակազմը պէտք է պատասխանատւութեան կանչւի

Հայաստանում գործող վարչակազմը պէտք է պատասխանատւութեան կանչէի։ Այս մասին Alpha News-ի ուղիղ եթերում ասաց ԱՄՆ Հայ Դատի յանձնախմբի նախկին երկարամեայ ղեկավար, Մարդու իրաւունքների եւ արդարադատութեան հայկական իրաւական կենտրոնի նախագահ Քէն Խաչիկեանը։

«Հայաստանում տեղի ունեցողը մեծ համաժողովրդական շարժում է, որը ղեկավարւում է հոգեւորականների կողմից, եւ ես ողջունում եմ նրանց ջանքերը: Հայաստանում գործող վարչակազմը պէտք է պատասխանատւութեան կանչւի, եւ ես կարծում եմ, որ այս շարժումը ղեկավարում է հոգեւորականը, որին ակնյայտօրէն աջակցում է ժողովուրդը, եւ ներկայ վարչակազմին չպէտք է լսել։ Ամերիկահայութեան մօտ մեծ հիասթափութիւն կայ, քանի որ նրանք այնքան էլ չարձագանգեցին կամ ոչինչ չարեցին, օրինակ, Արցախում ցեղասպանութիւնը կանխելու համար: Տեսէք, թէ ինչ է կատարւում Հայաստանում, ոստիկանութիւնը ուժեր է կիրառում, բայց ոչ մի արձագանգ, ոչ մի բան: Միեւնոյն ժամանակ, մենք տեսնում ենք, թէ ինչ է կատարւում Վրաստանում, եւ ամերիկացի իրաւապաշտպանները կամ ամերիկեան կառավարութիւնը յայտարարում են՝ «Օ՜, ոստիկանութիւնը պէտք է շարունակի չհրել մարդկանց, ինչ էլ որ լինի»,- նշեց Խաչիկեանը:

Նա ընդգծեց, որ Բայդէնի վարչակազմը մեղսակից է Ադրբեջանի կողմից արցախահայութեան նկատմամբ իրականացւած ցեղասպանութեանը։

«Կարծում եմ, որ Բայդէնի վարչակազմի քաղաքականութիւնը Հայաստանի, Ադրբեջանի եւ Թուրքիայի նկատմամբ եղել է ոչ պակաս ամօթալի: Բայդէնի վարչակազմը մեղսակից է եղել Ադրբեջանի, Թուրքիայի կողմից աջակցւող արցախահայութեան նկատմամբ իրականացւած ցեղասպանութեանը։ Նրանք հիմա Ադրբեջանին թոյլ են տալիս Հայաստանից ինքնիշխան տարածք պահանջել: Նրանք վերջին 7-6 տարիների ընթացքում շարունակել են աւելի քան 800 միլիոնի չափով ռազմական սպառազինութիւն մատակարարել Ադրբեջանին: Ես նկատի ունեմ, որ այս վարչակազմը բացարձակապէս մեղսակից է ցեղասպանութեանը, եւ նրանց պահւածքը ոչ այլ ինչ է, քան ամօթալի:

Եւ վարչակազմի իւրաքանչիւր բարձրաստիճան անդամ՝ նախագահ Բայդէնից, պետքարտուղար Բլինքէնից մինչեւ Հայաստանում Միացեալ Նահանգների դեսպան, Ադրբեջանում դեսպան, ով վերջերս այցելեց Արցախ եւ չխօսեց Ադրբեջանի իրականացրած ցեղասպանութեան, շրջափակման մասին, մեղսակից են:

ԱՄՆ-ը ամօթալի լռութիւն էր պահպանում Ադրբեջանի ողջ շրջափակման ընթացքում, միայն փաստից յետոյ ցուցաբերեց աննշան, մարդասիրական օգնութիւն: Այսպիսով, դա աւելի վատ է, քան հիասթափեցնողը: Այսինքն՝ նրանք ակտիւօրէն մեղսակից են յանցագործութեանը»,- ասաց Խաչիկեանը։

Հարցին՝ արդեօք ամերիկեան կառավարութիւնն աջակցում է Նիկոլ Փաշինեանի վարչակարգին, Խաչիկեանը պատասխանեց․

«Պարզ է, որ այդպէս է։ Գիտէք, նրանք Փաշինեանին դրդում էին հանգստացնող քաղաքականութեան։ Ինչպէ՞ս կարող ես հանգստանալ, երբ ատրճանակը պահում են քո գլխին: Նկատի ունեմ, որ ԱՄՆ-ը պէտք է Ադրբեջանից պահանջի՝ հրաժարւեն, դադարեցնեն Հայաստանից տարածքների պահանջները, դուրս գան Արցախից, թոյլ տան, որ հայերը վերադառնան։ Եւ կրկին՝ Բայդէնի վարչակազմը ուղորդում է Փաշինեանին նման քաղաքականութիւն վարելու համար, բայց դա արդարացում չէ: Այո, ես կարծում եմ, որ Բայդէնի վարչակազմը աջակցում է Փաշինեանին»։