Ձիթապտղի իւղի օգտագործումը նւազեցնում է տկարամտութիւնից մահւան վտանգը

Եթէ ​​ձիթապտղի իւղը կանոնաւոր օգտագործւի, դա կը կանխի դեմենցիայից՝ տկարամտութիւնից մահը: Նման եզրակացութեան են հանգել 90 հազար մարդու տւեալները վերջին 30 տարւայ ընթացքում ուսումնասիրած գիտնականները: Համապարփակ ուսումնասիրութեան մասին պատմել է JAMA Network Open գիտահանրամատչելի հանդէսը:

Հետազօտութիւնը, ըստ Planet Today-ի, ցոյց է տւել մի ուշագրաւ օրինաչափութիւն. օրական ընդամէնը 7 գրամ ձիթապտղի իւղը կարող է նւազեցնել այս նենգ հիւանդութիւնից՝ դեմենցիայից վաղաժամ մահանալու վտանգը: Նոյն արդիւնքին է հանգում մայոնեզը կամ մարգարինը կարագով փոխարինելը։

Կէս ճաշի գդալից փոքր-ինչ աւելի ձիթապտղի իւղի օրական չափաբաժինն ընդունակ է 28 տոկոսով նւազեցնելու նման ռիսկերը: Օրական մօտ 5 գրամով մայոնեզին կամ մարգարինին փոխարինած ձիթաիւղը 8-14%-ով նւազեցնում է մահւան հաւանականութիւնը։ Այս վիճակագրութիւնում հաշւի չեն առնւել մարդու սննդակարգը եւ ուտելու սովորութիւնները։

Հետազօտութեան հեղինակներն ամփոփում են, որ ձիթաիւղի օգտագործման եւ տկարամտութեան միջև պատճառահետեւանքային կապը դեռեւս լիովին պարզ չէ, սակայն դրա ազդեցութիւնն իրականում ակնառու է:

NEWS.am Medicine