Գիտնականները սուրճի՝ նախկինում անյայտ օգտակար յատկութիւն են յայտնաբերել

European Journal of Nutrition հանդէսում հրապարակւած նոր հետազօտութիւնը ցոյց է տւել, որ օրական 4-6 կամ աւելի բաժակ (125 մլ բաժակ) սուրճի սովորական օգտագործումը կապւած է ասթենիա (անուժակութիւն) զարգացնելու ռիսկի նւազման հետ։

Այս հետազօտութիւնն առաջինն է, որը վերլուծում է սուրճի օգտագործման եւ թուլութեան հիմնական բաղադրիչների միջեւ եղած կապը։

Սուրճի օգտագործումը նախկինում կապւած է եղել ծերացման որոշ բնական ախտանիշների վտանգի, մասնաւորապէս՝ ճանաչողական գործառոյթի բարելավման եւ բորբոքային հիւանդութիւններից պաշտպանութեան նւազման հետ։ Այս վերջին հետազօտութիւնը լրացնում է այս ոլորտի աճող գիտելիքների բազան՝ ուսումնասիրելով սուրճի կանոնաւոր օգտագործման օգուտները երկար ժամանակահատւածում։

Այս հետազօտութեան համար հետազօտողները եօթ տարի շարունակ մանրամասն վերլուծութիւն են կատարել՝ հարցազրոյց վերցնելով 55 տարեկան եւ բարձր 1161 մեծահասակներից՝ Ամստերդամի ծերացման հետազօտութեան (LASA) շրջանակում: Հետազօտւել է սուրճի օգտագործման եւ ասթենիայի առկայութեան ու տարածւածութեան միջեւ կապը։

Այս հետազօտութեան արդիւնքները ցոյց են տալիս, որ սուրճի աւելի բարձր սովորական օգտագործումը կապւած է ասթենիայի ընդհանուր աւելի ցածր հաւանականութեան հետ։

Այս տւեալները կարելի է դիտարկել Եւրոպական սննդի անվտանգութեան մարմնի (EFSA) գիտական կարծիքի հետ համատեղ, այն է՝ օրական մինչեւ 400 մգ կոֆէինը (3-5 բաժակ սուրճը) չափաւոր եւ անվտանգ քանակութիւն է։

Հետազօտողները պարզաբանել են, որ սուրճի ազդեցութիւնը ասթենիայի նւազեցման վրայ կարող է մասամբ բացատրւել դրանում պարունակող հակաօքսիդանտներով, որոնք կարող են օգնել նւազեցնելու բորբոքումը, սարկոպենիան (մկանային զանգւածի կորուստ) եւ կանխել մկանների վնասումը։ Սուրճը կարող է տարեցներին օգնել նաեւ բարելաւելու ինսուլինի զգայունութեան կարգաւորումը եւ գլիւկոզայի իւրացումը։

news.am