Սառցէ վաննաները կարող են դանդաղեցնել մկանների աճը

Սառցէ վաննաները ժամանակակից ֆիթնես մշակոյթի տարածւած մասն են կազմում: Պրոֆեսիոնալ մարզիկներից մինչեւ հանգստի սիրահարներ՝ շատերը սիրում են մարզումից յետոյ լոգանք ընդունել՝ յուսալով, որ սառցէ ցնցումը կը մեղմացնի ցաւը, կը նւազեցնի բորբոքումը եւ կօգնի օրգանիզմին աւելի արագ վերադառնալ նորմի: Սակայն Նիդեռլանդներում վերջերս անցկացւած ուսումնասիրութիւնը զարմանալի թերութիւն է բացայայտել. սառեցումը կարող է իրականում դանդաղեցնել մկանների աճը: Երբ օրգանիզմը ենթարկւում է ցրտի, օրինակ՝ սառցէ վաննա ընդունելով, արեան անոթները նեղանում են, հաղորդել է The Conversation-ը:

Դա կարող է փոքրացնել այտուցը, մարզումից յետոյ օրգանիզմից դուրս բերել շլակները եւ թեթեւացնել մկանային ցաւը, որն առաջանում է ինտենսիւ մարզումից մէկ կամ երկու օր յետոյ։

Մարզումից յետոյ ցաւը նշան է այն բանի, որ մկանները վերականգնւում են: Երբ ցաւն անցնում է, դուք ձեզ պատրաստ էք զգում կրկին մարզասրահ գնալու, ինչը բացատրում է, թէ ինչու են սառցէ վաննաներն այդքան տարածւած: Բայց կայ մի բան, որ պէտք է յիշել: Ցաւ առաջացնող բորբոքումը նոյնպէս մկանների վերականգնման եւ աճի գործընթացի մի մասն է կազմում:

Եթէ մարզումները շատ վաղ դադարեցնէք, դա կարող է դանդաղեցնել ձեր առաջընթացը։

Վերջերս անցկացւած ուսումնասիրութիւնում Մաաստրիխտի համալսարանի հետազօտողները ստուգել են, թէ ինչպէս է սառը ջերմաստիճանն ազդում սննդանիւթերի մատակարարման եւ մկանային զանգւածի աճի ազդանշանների վրայ։

Տասներկու առողջ երիտասարդ տղամարդկանցից իւրաքանչիւրը ուժային մարզում է կատարել միայն մէկ ոտքով։ Անմիջապէս դրանից յետոյ  իւրաքանչիւր ոտքը 20 րոպէով ընկղմել են 8°C ջերմաստիճան ջրի մէջ, մինչդեռ միւս ոտքը՝ 30°C ջերմաստիճան ջրի մէջ («վերահսկիչ խումբ»)։

Այնուհետեւ գիտնականները չափել են արեան հոսքը եւ հետեւել, թէ ինչպէս են մկաններն օգտագործում սպիտակուցը՝ հասկանալու համար, թէ ինչպէս է սառնութիւնն ազդում մկանային զանգւածի վերականգնման եւ աճի վրայ:

Արդիւնքներն ակնյայտ էին. սառցէ վաննաներից անմիջապէս յետոյ սառը ջրում ոտքի արեան հոսքը նւազել է մօտ 60 տոկոսով՝ ջրի ոտքի համեմատ: Նոյնիսկ մարզումից երեք ժամ անց սառեցւած մկանների արեան հոսքը դեռեւս նկատելիօրէն ցածր է եղել:

Քանի որ մկաններն արեան կարիք ունեն՝ ամինաթթուների եւ թթւածնի նման սննդարար նիւթերի մատակարարման համար, նշանակում է, որ նրանք ստանում են աճի համար անհրաժեշտ չափից պակաս: Փաստօրէն, հետազօտողները պարզել են, որ մկանները մօտ 30 տոկոսով պակաս են օգտագործում իրենց սպիտակուցային շինանիւթը:

news.am