Աշխարհի ռազմարդիւնաբերական ընկերութիւնների եկամուտները մինչեւ 2026 թ. կը հասնեն ռեկորդային մակարդակի
![](/wp-content/uploads/2024/08/3937-780x470.jpg)
Աշխարհի խոշորագոյն պաշտպանական եւ օդատիեզերական կորպորացիաները մինչեւ 2026 թւականը ռեկորդային եկամուտներ են ակնկալում պատւէրների զգալի աճի եւ աշխարհաքաղաքական լարւածութեան աճի պայմաններում: Այս մասին յայտնում է յղում կատարելով Vertical Research Partners-ի կանխատեսումներին։
Հետազօտական ընկերութիւնների փորձագէտները գնահատում են, որ աշխարհի 15 խոշորագոյն պաշտպանական ընկերութիւնները 2026 թւականին կունենան 52 միլիարդ դոլար զուտ շահոյթ, որը գրեթէ կրկնապատկւում է 2021 թւականի համեմատ: Բացի այդ, ակնկալւում է, որ պաշտպանական հինգ խոշորագոյն կորպորացիաները մինչեւ 2026 թւականի վերջը կը ստանան 26 միլիարդ դոլարի եկամուտ՝ առանց Boeing-ի, որն աւելի շատ կենտրոնացած է քաղաքացիական աւիացիայի վրայ:
Վերլուծաբանները նշում են, որ Եւրոպայի խոշորագոյն ռազմարդիւնաբերական ընկերութիւնների շահոյթի կուտակային աճը կը կազմի աւելի քան 40%-ի՝ զինամթերքի եւ հրթիռների մատակարարման պատւէրների աճի պայմաններում:
Յօդւածում ընդգծւում է, որ ռազմարդիւնաբերութեան եկամուտների կտրուկ աճի հիմնական պատճառներն են Ուկրաինայում շարունակւող հակամարտութիւնը եւ Մերձաւոր Արեւելքում իրավիճակի վատթարացումը։
Panorama.am