Արդարադատութեան Միջազգային դատարան. «Իսրայէլը պարտաւոր է միջոցներ ձեռնարկել Գազայում ցեղասպանութիւնը կանխելու համար»
«ԱԼԻՔ» – Քննելով ընդդէմ Իսրայէլի՝ Հարաւաֆրիկեան Հանրապետութեան ներկայացրած հայցը, Արդարադատութեան Միջազգային դատարանը որոշել է, որ Իսրայէլը պէտք է միջոցներ ձեռնարկի Գազայի հատւածում պաղեստինցիների նկատմամբ ցեղասպանութիւնը կանխելու համար։
Արդարադատութեան Միջազգային դատարանի որոշումը յստակ սահմանում է, որ Իսրայէլը պէտք է օգտագործի «բոլոր անհրաժեշտ միջոցները»՝ կանխելու գործողութիւնները, որոնք ցեղասպանութեան օրինակ են:
Բացի այդ, դատարանը հաշւի է առնում պաղեստինեան տարածքներն ապամարդկայնացնելու Իսրայէլի իշխանութիւնների յայտարարութիւնները, եւ ընդգծում է Գազայի հատւածում պաղեստինցիների՝ ցեղասպանութիւնից պաշտպանւելու իրաւունքը:
Թէեւ դատարանն իրաւասու չէ գործադրել իր որոշումները, այդուհանդերձ, որոշումը կարող է հեռուն գնացող հետեւանքներ ունենալ:
Իսրայէլը եւ ԱՄՆ-ը հերքել են ներկայացւած մեղադրանքները:
