ԳաղափարականԴաշնակցական ԲեմՀայաստան - ԱրցախՔաղաքական
ՀՅԴ Հայաստանի Գերագոյն մարմնի յայտարարութիւնը
Սեպտեմբերի 17-ին կայացած Երեւանի աւագանու ընտրութիւնների առնչութեամբ, վերահաստատելով հրապարակայնօրէն արտայայտած մեր պաշտօնական տեսակէտները, կարեւոր ենք համարում արձանագրելը.
- երեւանցին իր վճռական քւէով թոյլ չտւեց ինչպէս երկրի, այնպէս էլ մայրաքաղաքի կառավարումը տապալած, մեր Հայրենիքը օրհասական վիճակի հասցրած ՔՊ-ական իշխանութեան վերարտադրումը մայրաքաղաքում` մերժելով թէ՛ ՔՊ-ին, եւ թէ՛ նրան բացայայտ կամ քողարկւած կերպով աջակցող ուժերին,
- այս փուլում կարեւոր է հրապարակային եւ անվերապահ բացառել Երեւանի աւագանիում ՔՊ-ի հետ որեւէ միաւորման ձեւաւորումը կամ նրան աջակցելը, ինչպէս նաեւ ընդդիմադիր քաղաքապետի ընտրութեան հարցում յետընտրական համագործակցութեան պատրաստակամութիւն յայտնելը,
- շնորհակալութիւն ենք յայտնում ընտրութիւններին մասնակցած բոլոր քաղաքացիներին, ովքեր իրենց քւէով արձանագրեցին իշխող ուժի լեգիտիմութեան ճգնաժամը:
Բարձր ենք գնահատում ընտրական յանձնաժողովներում իրենց գործուն մասնակցութեամբ ընտրութիւնների ընթացքը վերահսկած եւ քաղաքացիների քւէն պաշտպանած յանձնաժողովների անդամների եւ դիտորդների դերը:
ՀՅԴ Հայաստանի Գերագոյն մարմին
Երեւան, 18 սեպտեմբերի, 2023 թ.
«Arfd.am»
