Եղցահողն արդէն չկայ, հողին են հաւասարեցնում. Մեծ Շեն գիւղը շրջափակման մէջ է, տարհանում չենք կարողանում անել. գիւղապետ
![](/wp-content/uploads/2023/09/5526030-780x470.jpg)
Մեծ Շեն գիւղը շրջափակման մէջ է, տարհանում չենք կարողանում անել, այս պահին էլ կրակում են: Այս մասին NEWS.am-ին պատմեց Հին Շենի գիւղապետ Դաւիթ Դաւթեանը:
«Զինադադար մեր հատւածում չկայ: Դեռ մեր գիւղի մէջ չեն խփել, բայց կողքերն են խփում: Անտանելի վիճակում ենք: Եղցահողից տարհանում հաջողւել է անել, բայց մեր գիւղից տարհանում չենք կարողացել անել, կանայք, ծերեր, երեխաներ… բոլորն այստեղ են: Եղցահողն արդէն չկայ, հողին են հաւասարեցրել, այնտեղ էլ մարդ չկայ: Անորոշութիւն է, չգիտենք՝ ոնց անենք: Մենք ամբողջական շրջափակման մէջ ենք: Գիւղից զոհեր ու վիրաւորներ չունենք, բայց մեր ընդհանուր տարածքից շատ զոհեր ունենք, շատերի տեղը չգիտենք»,- մանրամասնեց գիւղապետը:
Նա նշեց, որ յարակից Հին Շենի առաւելութիւնն այն է, որ այնտեղ ռուս խաղաղապահներ կան:
«Բայց հասկանում էք չէ՞ արդէն ռուսն էլ ռիսկ չի անում թոյլ տայ դուրս գանք: Մի բանը որ ասում էք՝ է, արդեն եղել է, սա վերջն էր: Սրանից էն կողմ էլ բան չկայ, չի էլ լինի», յաւելեց Դաւթեանը: