Իրանն ընդգծում է իր հաստատակամութիւնը՝ վճռականօրէն պաշտպանելու իր ինքնիշխանութիւնը եւ ազգային շահը: Այս մասին ասւած Հայաստանում Իրանի Իսլամական Հանրապետութեան դեսպանութեան տարածած յայտարարութեան մէջ։
«Իրանի Իսլամական Հանրապետութեան պաշտպանական եւ համաչափ գործողութիւնները եւ գրաւեալ Պաղեստինում որոշ ռազմական օրինական կենտրոնների թիրախաւորումը իրականացւել է պաշտպանութեան իրաւունքի շրջանակներում՝ ՄԱԿ-ի կանոնադրութեան 51-րդ յօդւածի համաձայն եւ ի պատասխան սիոնիստական ռեժիմի ռազմական յարձակման, դիւանագիտական անձեռնամխելի վայր հանդիսացող Դամասկոսում Իրանի Իսլամական Հանրապետութեան հիւպատոսութեան թիրախաւորման եւ ահաբեկչական խմբաւորումների դէմ պայքարելու նպատակով Սիրիայի կառավարութեան հրաւէրով Սիրիայում ներկայ գտնւող ԻԻՀ ռազմական խորհրդատուների նահատակման։
Սիոնիստական ռեժիմի գործողութիւնը ՄԱԿ-ի կանոնադրութեան եւ միջազգային կոնւենցիաների խախտում էր, որն արժանացաւ բոլոր երկրների եւ միջազգային կազմակերպութիւնների անմիջական արձագանգին եւ խիստ դատապարտմանը։ Իրանի Իսլամական Հանրապետութեան՝ օրինական պաշտպանութեան իրաւունքի իրացման գործում պաշտպանական միջոցների դիմելը զսպող միջոց է եւ ցոյց է տալիս Իրանի պատասխանատու մօտեցումը տարածաշրջանային ու միջազգային խաղաղութեան եւ անվտանգութեան նկատմամբ, իսկ Իրանի Իսլամական Հանրապետութեան եւ նրա շահերի դէմ ցանկացած նոր արկածախնդիր եւ անխոհեմ գործողութեան հետեւանքների պատասխանատւութիւնը կուղղւի սիոնիստական ռեժիմին եւ նրա աջակիցներին։
Իրանի Իսլամական Հանրապետութիւնը վերահաստատելով իր հաւատարմութիւնը ՄԱԿ-ի կանոնադրութեան եւ միջազգային իրաւունքի սկզբունքներին եւ նպատակներին՝ ընդգծում է իր հաստատակամութիւնը՝ վճռականօրէն պաշտպանելու իր ինքնիշխանութիւնը, տարածքային ամբողջականութիւնը եւ ազգային շահերը ցանկացած անօրինական ուժի եւ ագրեսիայի դէմ»,- ասւած է հրապարակւած յայտարարութեան մէջ:
