Փաշինեանը նախօրօք ծանօթ է եղել ԱՀ ԱԽ յայտարարութեան տեքստին
yerkir.am-ի հարցին ի պատասխան ՀՅԴ Բիւրոյի անդամ, ԱՀ ԱԺ նախագահ Դաւիթ Իշխանեանը հետեւեալ պարզաբանումն է տւել.
Անտեղի շահարկումներից խուսափելու համար եւ բանսարկութիւններից ու հերիւրանքներից զերծ մնալու նպատակով ցանկանում եմ տեղեկացնել, որ Ադրբեջանի կողմից իրականացւած սույն թւականի սեպտեմբերի 19-ին ռազմական գործողութիւնների առաջին իսկ պահից ՀՀ վարչապետը տեղեակ է եղել բոլոր գործընթացներից եւ զարգացումներից:
Առաւել դրան, զինադադարի գին հանդիսացող Արցախի Հանրապետութեան խորհրդի յայտարարութիւնը քննարկման նիւթ է եղել եւ յայտարարութեան տեքստային տարբերակին նախօրօք ծանօթ են եղել ՀՀ պատասխանատու շրջանակներ, այդ թւում` անձամբ ՀՀ վարչապետը:
Ցաւում եմ, որ ՀՀ-ում խորհրդարանական մեր գործընկերները, հաւանաբար տեղեակ չլինելով այս մանրամասնութիւններին, փորձում են իրենց տեղեկացւածութեան պակասի հետեւանքով մեղաւորներ որոնել կամ մեղքեր բարդել այլ պատասխանատու անձանց վրայ:
Արցախի իրավիճակն ու ներկայ պայմանները թոյլ չեն տալիս մեզ աւելի մանրամասնութիւններ ներկայացնել:
