«ԱԼԻՔ» – Ապրիլի 19-ին Ն.Ս.Օ.Տ.Տ. Արամ Ա Վեհափառ Հայրապետն ընդունել է Միջազգային Քրէական դատարանի հիմնադիր եւ նրա առաջին դատախազ (2003-2012) դոկտ. Լուիս Մորէնօ Օքամփոյին: Այս մասին տեղեկանում ենք Մեծի Տանն Կիլիկիոյ կաթողիկոսութեան պաշտօնական կայքից:
Հանդիպման ընթացքում անդրադարձ է կատարւել Ադրբեջան-Արցախ-Հայաստան վերջին տարիների յարաբերութիւններին, Արցախի դէմ Ադրբեջանի 44-օրեայ պատերազմին, Արցախի շրջափակմանն ու դրան հետեւած Արցախի ժողովուրդի բռնագաղթին եւ Արցախի հայութեան դատը միջազգային օրէնքի շրջանակում, Միջազգային Քրէական դատարան ներկայացնելու հնարաւորութիւններին:
Հանդիպումանը ներկայ է եղել նաեւ դոկտ. Օքամփոյին ընկերացող Սոցինտերնի փոխնախագահ Մարիօ Նալբանդեանը:
