Պաղեստինի թեմայով. Նախագահ Ռէյիսին 45 րոպէ տեւողութեամբ հեռախօսազրոյց է ունեցել Բին Սալմանի հետ
«ԱԼԻՔ»- Քաղաքական հարցերով Հանրապետութեան նախագահի տեղակալը տեղեկացրել է նախագահ Ռէյիսիի առաջին հեռախօսազրոյցի մասին Սաուդական Արաբիայի թագաժառանգ Մոհամմեդ բին Սալմանի հետ:
Մոհամմադ Ջամշիդին «X»-ի իր միկրոբլոգում գրել է. «Այաթ. Ռէյիսիի եւ Մոհամմեդ բին Սալմանի առաջին հեռախօսազրոյցում կարեւոր քննարկումներ են ծաւալւել Պաղեստինի եւ ռազմական յանցագործութիւնները դադարեցնելու անհրաժեշտութեան վերաբերեալ:
45 րոպէ տեւողութեամբ այս զրոյցի ընթացքում, կարեւորելով իսլամական աշխարհի միասնութիւնը, նրան Սիոնիստական ռեժիմի յանցագործութիւններն ու ԱՄՆ-ի զօրակցութիւնը համարեցին Սիոնիստական ռեժիմի եւ նրա աջակիցների կործանարար անապահովութեան պատճառը»:
Յիշեցնենք, որ աւելի վաղ նախագահ Ռէյիսին միջազգային կազմակերպութիւններին յիշեցրել էր Գազայի հատւածում ճգնաժամի կարգաւորման պատասխանատւութեան մասին:
Ելոյթ ունենալով կառավարութեան նիստում՝ այաթ. Ռէյիսին խստօրէն դատապարտել է սիոնիստական ռեժիմի յանցագործութիւնները Գազայի ժողովրդի դէմ:
«Սիոնիստները մարդկութեան դէմ յանցագործութիւններ են կատարում ողջ աշխարհի աչքի առաջ։ Բոլոր միջազգային կազմակերպութիւններն ու կառոյցները պէտք է կատարեն իրենց պարտականութիւններն այս հարցում՝ առանց որեւէ բացառութեան եւ խտրականութեան»,- ասել է Հանրապետութեան նախագահը:
