ԻրանՄիջազգայինՔաղաքական
Կառավարութեան խօսնակը մեկնաբանել է ԱՄՆ նախագահական ընտրութիւնների արդիւնքները
«ԱԼԻՔ» – «Իրանի Իսլամական Հանրապետութեան համար նշանակութիւն չունի, թէ ով է ԱՄՆ նախագահը»: Այս մասին յայտարարել է կառավարութեան խօսնակ Ֆաթեմէ Մոհաջերանին՝ մեկնաբանելով ԱՄՆ նախագահական ընտրութիւնների արդիւնքներն ու Դոնալդ Թրամփի յաղթանակը:
Լրագրողներ հետ զրոյցում, Մոհաջերանին յայտարարել է, որ Թրամփի ընտրութիւնն Իրանի համար առանձնայատուկ հետեւանքներ չի ունենայ։
Նա ընդգծել է, որ ե՛ւ Իրանը, ե՛ւ Միացեալ Նահանգները մշակել են քաղաքականութիւն, որը հազիւ թէ արմատապէս փոփոխութեան ենթարկւի։
Կառավարութեան խօսնակը վստահեցրել է, որ ԱՄՆ նախագահական ընտրութիւնների արդիւնքները չեն ազդի Իրանի ժողովրդի կենսամակարդակի վրայ՝ յաւելելով, որ Իրանի համար նշանակութիւն չունի, թէ ով է Սպիտակ տանը ղեկավարում երկիրը։
