Քոչարեան Անդոն ու Փաշինեան Նիկոլը վաղուց էին հաշւել, թէ ովքեր են լինելու «մատաղացու» պաշտօնեաները

ՔՊ-ականների համար անակնկալ է եղել Փաշինեանի կիրակնօրեայ գիշերային պաշտօնանկութիւնները, բայց ոչ ԱԺ պաշտպանութեան եւ անվտանգութեան հարցերի մշտական յանձնաժողովի կռւախնձոր դարձած նախագահ Անդրանիկ Քոչարեանի համար:

Իշխանական կուլիսներում ակտիւօրէն քննարկւում է, որ պատահական չէր նախորդող երկու օրերին Քոչարեան Անդրանիկի հեգնախառը արտայայտութիւնները՝ իր պաշտօնանկութեան հարցը քննարկման առարկայ դարձնող ՔՊ-ականների վերաբերեալ:

Ասում են, թէ նա իրեն հաւատարիմ պատգամաւորների նեղ «կռուգում» մօտաւորապէս նշել է հետեւեալը՝ թող մի քիչ էլ ծիծաղեն, ճտերն աշնանն են հաշւում:

Ըստ էութեան, ՔՊ-ում համոզւած են, որ Քոչարեան Անդոն ու Փաշինեան Նիկոլը վաղուց էին հաշւել, թէ ովքեր են լինելու «մատաղացու» պաշտօնեաները:

«Իրաւունք»