Լիլիթ Գալստեան. «Արեւմտեան Հայաստանն Արեւմտեան Ադրբեջանի հետ համադրելը քաղաքական ինքնասպանութիւն է»
«ԱԼԻՔ» – «Արեւմտեան Հայաստանն Արեւմտեան Ադրբեջանի հետ համադրելը պատմագիտական սնանկութիւն է, քաղաքակրթական՝ դալտոնիզմ, ազգային ուրացում, քաղաքական ինքնասպանութիւն»։ Այս մասին ֆէյսբուքեան իր էջում գրել է ՀՅԴ Հայաստանի ԳՄ անդամ, ԱԺ «Հայաստան» խմբակցութեան պատգամաւոր Լիլիթ Գալստեանը՝ անդրադառնալով նախօրէին Հայաստանի հանրային հեռուստաընկերութեանը տւած հարցազրոյցում Նիկոլ Փաշինեանի հնչեցրած մտքին։
«Ժամանակն արագացել է, ցայտնոտն աւելի քան տեսանելի է․․․ Պետականութիւնն ու մեր հաւաքական ինքնութիւնը մերժելու ժամանակներ․․․ մի՞թէ սա է մեր հաւաքական ընտրութիւնը․․․»,- գրել է Լիլիթ Գալստեանը։
Յիշեցնենք, որ Նիկոլ Փաշինեանը հարցազրոյցի ընթացքում ասել էր. «Մենք որ ասում ենք Արեւմտեան Հայաստան, չե՞նք մտածում, որ ինչ-որ մարդկանց գրգռում է, ոնց որ մեզ է գրգռում Արեւմտեան Ադրբեջան տերմինը»։
