«ԱԼԻՔ» – «Իրանը նախապատրաստւում է Իսրայէլի յարձակմանը պատասխանելու համար»: Այս մասին «Թասնիմ» լրատւական գործակալութեանը տւած հարցազրոյցում յայտնել է Իսլ. յեղափոխութեան առաջնորդի խորհրդական Ալի Լարիջանին:
«Ռազմական պաշտօնեաներն աշխատում են Իսրայէլի գործողութիւններին արձագանքելու ծրագրերի եւ տարբեր ռազմավարութիւնների վրայ»,- ասել է Լարիջանին։
Նա խօսել է նաեւ Սիրիա եւ Լիբանան կատարած իր վերջին այցերի մասին՝ նշելով «Հեզբօլլահ»-ի հրամանատարների բարձր եւ տպաւորիչ բարոյական ոգու մասին, որ նա նկատել է իր վերջին այցի ընթացքում:
«Նեթանիահուն պնդում է, որ «Հեզբօլլահ»-ի ռազմական տեխնիկան ոչնչացւել է։ Բայց ես ուզում եմ նրան հարցնել՝ «Հեզբօլլահ»-ը Մարս մոլորկի՞ց էր բերել իր ռազմական տեխնիկան»,- հռետորական հարց է բարձրացրել Լարիջանին:
