Քննարկւելու է «Հայաստան» խմբակցութիւնում Գեղամ Նազարեանի հետագայ գործունէութեան հարցը
«ԱԼԻՔ» – «Գեղամ Նազարեանի վերջին յայտարարութիւնը, թէ Նիկոլ Փաշինեանին հեռացնելու օրակարգ չկայ, իր անձնական ընկալումներն են, որը բնականաբար չի արտայայտում «Հայաստան» խմբակցութեան տեսակէտը»։ Այս մասին ֆէյսբուքի իր էջում գրել է ՀՀ ԱԺ «Հայաստան» խմբակցութեան պատգամաւոր Ագնեսա Խամոյեանը:
«Մեր թիւ մէկ օրակարգը ինչպէս եղել, այնպէս էլ մնում է այս իշխանութիւններին հեռացնելը, եւ բնական է, եթէ խմբակցութեան որևէ պատգամաւոր չի կիսում այդ գաղափարը, հարցը պէտք է դառնայ քննարկման առարկայ։
Խմբակցութիւնը Գեղամ Նազարեանին մանդատը վայր դնելու «խնդրանքով» չի կարող դիմել, բայցեւ ակնյայտ է, որ քննարկւելու է խմբակցութիւնում պարոն Նազարեանի հետագայ գործունէութեան հարցը:
Թէ ինչ կորոշւի խմբակցութեան նիստից յետոյ, պարզ կը լինի միայն նիստից յետոյ։ Նիստի ժամկէտների մասին յաւելեալ տեղեկութիւններն՝ աւելի ուշ»,- գրել է Խամոյեանը:
