«ԱԼԻՔ» – Ֆաթեմէ Մոհաջերանին հինգշաբթի՝ դեկտեմբերի 26-ին, Ամանորի եւ Սուրբ Ծննդեան տօների առիթով այցելել է իրանահայ առաջին նահատակ Զօրիկ Մուրադեանի մօրը՝ Կատարինէ Հոնրաչեանին։
Զօրիկ Մուրադեանը Իրանին պարտադրւած 8-ամեայ պատերազմի իրանահայ առաջին նահատակն է: Նա ծնւել էր Թեհրանում 1960 թւականին, իսկ մինչ յեղափոխութեան յաղթանակը նա ունեցել է հնարաւորութիւն մեկնելու արտերկիր, սակայն մնացել է երկրում եւ ծառայել իր երկրին ու 1980 թւականին միացել է բանակին եւ ուղարկւել Փիրանշահրի ճակատ։
Զօրիկ Մուրադեանի նահատակութիւնը տեղի է ունեցել 1980 թւականին, երբ նա գտնւում էր խրամատում ու ականանետն էր լիցքաւորում կրակելու համար, իսկ ընկերների հետ թիրախաւորւում են թշնամու ռազմօդանաւերի կողմից ռմբակոծութեան ժամանակ, երբ ռումբերից մէկն ընկնում է Զօրիկի խրամատի մէջ:
