Հայաստան - ԱրցախՔաղաքական
Կարէն Ջալաւեան. «Տիրան Խաչատրեանը հայրենանւէր քաջորդի է եղել»
«ԱԼԻՔ» – Արցախի Պաշտպանութեան բանակի գնդապետ Կարէն Ջալաւեանը` Քեոխը, News-ի հետ զրոյցում պատասխանել է Հայաստանի ազգային հերոս Տիրան Խաչատրեանի կալանաւորման վերաբերեալ հարցին:
«Չգիտեմ, թէ նրան մեղսագրւողը պատերազմական որ դրւագին է վերաբերում, փակագծերը բացւած չեն, բայց Տիրան Խաչատրեանը հայրենանւէր քաջորդի է եղել` Առաջին պատերազմում, 2016-ին, 2020-ին: Ես իրեն ճանաչում եմ` որպէս հաւատացեալ, քաջ մարտիկ: Միգուցէ քաղաքական նպատակներից ելնելով են նրան ձերբակալել, չեմ կարող ասել: Չգիտեմ` պատերազմի մանրամասները քննող յանձնաժողովի անդամներն ովքեր են, ինչքանով է նրանց պրոֆեսիոնալիզմը, վերլուծութիւնն իրատեսական: Մեր փորձութիւնների, կորուստների գլխաւոր պատճառն այն է, որ հեռացել ենք աստծուց»,- պատասխանել է նա:
