ՄիջազգայինՔաղաքական
ՌԴ ԱՀԾ տնօրէնը յայտնել է ԿՀՎ ղեկավարի հետ հանդիպելու պատրաստակամութեան մասին
«ԱԼԻՔ» – ՌԴ արտաքին հետախուզութեան ծառայութեան տնօրէն Սերգէյ Նարիշկինը յայտարարել է, որ պատրաստ է հանդիպել Կենտրոնական հետախուզական վարչութեան (CIA) տնօրէն Ջոն Ռեթքլիֆի հետ, եթէ ԱՄՆ-ի կողմից համապատասխան հետաքրքրութիւն լինի։ Հաղորդում է ՏԱՍՍ-ը:
«Մենք միշտ պատրաստ ենք բանակցութիւնների»,- ասել է նա՝ պատասխանելով ամերիկեան կողմի առաջարկի դէպքում հանդիպելու պատրաստակամութեան մասին հարցին։
Հարցին՝ արդեօք ԱՀԾ-ի և ԿՀՎ-ի միջեւ դեռ կապեր կան, նա նշել է. «Մենք պաշտօնական ներկայացուցիչ ունենք Վաշինգտոնում, իսկ Կենտրոնական հետախուզական վարչութիւնը պաշտօնական ներկայացուցիչ ունի Մոսկւայում»:
