Արա Պօղոսեան. «Պարտւած պատերազմը հէնց Փաշինեանին էր անհրաժեշտ, որպէսզի իրագործի այն, ինչ անում է»
«ԱԼԻՔ» – «Ֆէյսբուք» սոցիալական հարթակում, քաղաքագէտ Արա Պօղոսեանի գրառումը նոյնպէս վերաբերում է Նիկոլ Փաշինենաի՝ արտայայտած աղմկայարոյց մտքերին:
Քղաքագէտը գրել է. «Նիկոլ Փաշինեանը փաստօրէն յայտարարում է, որ Հայաստանի Հանրապետութիւնը կապ չունի համահայկական օրակարգերի հետ։ Փաստօրէն յայտարարում է, որ Սփիւռքը, որը ձեւաւորւել է Հայոց Ցեղասպանութեան հետեւանքով, կապ չունի Հայաստանի Հանրապետութեան հետ։
Իհարկէ, հիմա յատկապէս նէոլիբերալ շրջանակները արդարացնելու համար կասեն` «բա ի՞նչ ասէր, ասէր գնում ենք Արարատը ազատագրե՞նք, որ Թուրքիան էլ պատերա՞զմ սկսի», բայց որեւէ մէկը չի ասի, իսկ ո՞վ է ստիպում խօսել դրա մասին, ո՞վ է ստիպում հիմնարար օրակարգերի մասին խօսելու փոխարէն խօսել այնպիսի խնդիրների մասին, որոնց մասին խօսակցութիւնները պէտք են այլ իրավիճակներում եւ այլ քաշային կարգում։
Խնդիրն այն է, որ Փաշինեանը այս ամէնը անում է գիտակցւած եւ նպատակադրւած, օգտագործելով ժողովրդի պարտւած եւ պատերազմից վախեցած վիճակը։
Այսպիսի խօսոյթը թոյլ է տալիս երբեմն մտածել, որ պարտւած պատերազմը հէնց Փաշինեանին էր անհրաժեշտ, որպէսզի իրագործի այն, ինչ անում է, շահարկելով վախի գործօնը։
Ի դէպ, Ալիեւը շա՜տ խորը եւ համապարփակ թքած ունի ցանկացած պայմանաւորւածութեան վրայ…»:
