Միքայէլ Համբարձումեան. «Այսուհետ չի հանդուրժւելու Ադրբեջանի ու Թուրքիայի նկատմամբ սուր խօսքը»
«ԱԼԻՔ» – ՀՀ ԱԱԾ տնօրէնի նախկին ժամանակաւոր պաշտօնակատար Միքայէլ Համբարձումեանի գնահատմամբ՝ Երեւանի Հանրապետութեան հրապարակում ադրբեջաներէնով հայերին վիրաւորող երգը երգող օտարերկրացիների մասնակցութեամբ տեսանիւթը հրապարակելու համար ձերբակալւած Ղարիբ Բաբայեանի հետ կատարւածում ՀՀ ԱԱԾ-ի դերակատարութիւնը առերեւոյթ է։
«Ոչ նախաձեռնողական ու խորքային (յամենայնդէպս, այդպէս եմ ուզում մտածել), սա պետական քաղաքականութեան հիմնովին փոփոխութեան արդիւնք է:
Հայաստանի Հանրապետութեան դատարանը իր որոշմամբ փաստեց, որ կայ յանցագործութեան դէպք, Ղարիբ Բաբայեանի նկատմամբ ծագել է հիմնաւոր կասկած, պարզապէս կալանք չի կիրառւում՝ հիմքերով պայմանաւորւած:
Սրանով բոլորին յստակ ուղերձ իջեցւեց, որ այսուհետ չի հանդուրժւելու Ադրբեջանի ու Թուրքիայի նկատմամբ սուր խօսքը, քննադատութիւնը, նաեւ մեսիջ էր նշւած երկրներին, որ այս իմաստով մենք նոր իրավիճակ ենք ձեւաւորում եւ Հայաստանը բաց ու անվտանգ է թուրքական աշխարհի համար, շարունակենք համագործակցել…»,- գրել է Համբարձումեանը:
