«ԱԼԻՔ» – Շարունակելով Զինւած ուժերի կողմից անցկացւող զօրավարժութիւնների շարքը՝ ընթացիկ տարում ՀՕՊ ստորաբաժանումներն անցել են զօրավարժութիւնների երկրորդ փուլի անցկացմանը:
Զօրավարժութիւններն անց են կացւում Իրանի հարաւային եւ կենտրոնական շրջաններում: Դրանց առնցքային դերակատարութիւնը՝ բանակի հակաօդային պաշտպանութեան ուժերինն է:
ՄԵՀՐ-ի համաձայն՝ այս զօրավարժութիւններում, որոնք անց են կացւում Բանակի ռազմաօդային ուժերին նւիրւած օրւայ ֆոնին, երկրի հակաօդային պաշտպանութեան համաժամանցւած ցանցի վերահսկողութեամբ իրականացւելու են հրթիռային, հրետանային, ռադիոտեղորոշիչ, էլեկտրոնային եւ ազդանշանային համակարգերի բարդ առաջադրանքները:
