Բայրամովը՝ «Խաղաղութեան պայմանագրի» մասին. «Ամէն ինչ կախւած է հայկական կողմի գործողութիւններից»

«ԱԼԻՔ» – Ադրբեջանի եւ Հայաստանի միջեւ «Խաղաղութեան պայմանագրի» ստորագրումը կախւած է հայկական կողմի հետագայ քայլերից։ Այս մասին ըստ Alpha News-ի՝ TRT World հեռուստաալիքին տւած հարցազրոյցում յայտարարել է Ադրբեջանի ԱԳ նախարար Ջէյհուն Բայրամովը։

«Հիմա ամէն ինչ կախւած է հայկական կողմի գործողութիւններից։ Երբեմն հայ պաշտօնեաները խօսում են Սահմանադրութիւնը փոփոխելու իրենց մտադրութեան մասին, սակայն մանրամասներն, օրինակ՝ թէ ինչ փոփոխութիւններ են քննարկւում, անյայտ են»,- ասել է նա։