Շւեդիան պէտք է ստանձնի Եւրոպայի պաշտպանունակութեան մեծացման նախաձեռնութիւնը

«ԱԼԻՔ» – Շւեդիան պէտք է ստանձնի Եւրոպայի պաշտպանունակութեան մեծացման նախաձեռնութիւնը, յայտարարել է պաշտպանութեան հարցերով ԵՄ յանձնակատար Անդրիւս Կուբիլիւսը: Հաղորդում է Euronews-ը։

«Մենք քիչ ժամանակ ունենք»,- ասել է նա վերջերս Շւեդիա կատարած այցի ժամանակ։

Լրատւամիջոցի տւեալներով, Կուբիլիւսը Շւեդիա է այցելել կառավարութեան եւ պաշտպանական արդիւնաբերութեան ներկայացուցիչների հետ բանակցելու նպատակով։

Եւրոպան կանգնած է ժամանակակից կեանքում իր ամենամեծ վերազինման առաջ, եւ ԵՄ յանձնակատարը ցանկութիւն է յայտնել, որ Շւեդիայի նման երկրները գլխաւորեն այդ գործընթացը:

«Շւեդիան շատ հզօր պաշտպանական արդիւնաբերութիւն ունի եւ իրականացնում է լայնածաւալ վերազինում, ուստի այն լաւ օրինակ է միւս անդամ երկրների համար»,- ասել է Անդրիւս Կուբիլիւսը։

Եւրոպական յանձնաժողովը մշակել է «Պատրաստութիւն 2030» ծրագիրը (նախկինում՝ «ReArm Europe»), որը, ի թիւս այլ բաների, երկարաժամկէտ ֆինանսաւորում է տրամադրելու անդամ պետութիւնների վերազինման համար։

Եւրայանձնաժողովի նախագահ Ուրսուլա ֆոն դեր Լայենը յայտարարել է 800 միլիարդ եւրոյի ներգրաւման մասին։

Այդ նպատակն իրագործւում է, մասնաւորապէս, բիւջետային կանոնների փոփոխութեամբ եւ 150 մլրդ. եւրօ գումարի վարկերի տրամադրմամբ։ Ռեսուրսները կօգտագործւեն ինչպէս սպառազինութեան, այնպէս էլ Ուկրաինային աջակցելու համար։