Տիգրան Աբրահամեան. «Իր ծրագրերը կեանքի կոչելու համար Փաշինեանը պատրաստ է մատաղ անել նոյնիսկ իր ամենամերձաւոր անձանց եւ շրջապատին»
«ԱԼԻՔ» – «Փաշինեանական խեղաթիւրւած իրականութիւնն Արցախի հիմնախնդրի ու արցախցիների նկատմամբ նպատակ ունի նոր ներհայաստանեան թշնամութիւն հրահրել: Այս մասին ֆէյսբուքեան էջում գրել է ՀՀ ԱԺ «Պատիւ ունեմ» խմբակցութեան պատգամաւոր Տիգրան Աբրահամեանը։
«Ինչպէս 2018-ին, այնպէս էլ հիմա, որոշակի տրանսֆորմացիաների ենթարկւելուց յետոյ էլ, ներհասարակական ատելութիւնն ու բեւեռացումը փաշինեանական իշխանութեան լոկոմոտիւն է:
Կարծում եմ, որ այսօր որեւէ մէկն այլեւս կասկած չունի (նոյնիսկ ՔՊ վերնախաւը), որ ջրի վրայ մնալու եւ իր հրէշաւոր գաղափարական ծրագրերը կեանքի կոչելու համար Փաշինեանը պատրաստ է մատաղ անել նոյնիսկ իր ամենամերձաւոր անձանց եւ շրջապատին:
Սա ատում է բոլորին, մարդու տեսակն առհասարակ ու իր գործողութիւնների ողջ բովանդակութիւնը այդ տրամաբանութեան մէջ է»,- գրել է նա:
