ԱԳ նախարարի հետ հեռախօսազրոյցում. Գրոսսին ընդգծել է ՄԱԳԱՏԷ-ի պատրաստակամութիւնը՝ աջակցելու Իրան-ԱՄՆ բանակցութիւնների գործընթացին
«ԱԼԻՔ» – ԱԳ նախարար Սէյէդ Աբբաս Արաղչիի հետ հեռախօսազրոյցում, Ատոմային էներգիայի միջազգային գործակալութեան գլխաւոր տնօէն Ռաֆայէլ Գրոսսին ընդգծել է Գործակալութեան պատրաստակամութիւնը՝ աջակցելու Իրան-ԱՄՆ բանակցային գործընթացին:
Գրոսսին ողջունելով Իրանի եւ ԱՄՆ-ի միջեւ միջնորդաւորւած բանակցութիւնները, Արաղչիի հետ քննարկել է Իրանի եւ ՄԱԳԱՏԷ-ի միջեւ համագործակցութեան ընթացքը: Նա կազմակերպութեան անունից պատրաստակամութիւն է յայտնել՝ աջակցելու Իրանի եւ ԱՄՆ-ի միջեւ ընթացող բանակցութիւններին:
Նախարար Արաղչին էլ իր հերթին ընդգծել է ՄԱԳԱՏԷ-ի դերի կարեւորութիւնը՝ Իրանի միջուկային ծրագրի հարցում՝ Գործակալութեան օրինական պարտականութիւնների եւ լիազօրութիւնների սահմանում:
Նա նշել է, որ Իրանը որպէս Միջուկային զէնքի չտարածման պայմանագրի պատասխանատու անդամ, կը շարունակի համագործակցել Գործակալութեան հետ՝ իր ստանձնած միջազգային պարտաւորութիւնների սահմանում, եւ յոյս է յատնել, որ ՄԱԳԱՏԷ-ի տեխնիկական եւ մասնագիտական մօտեցումը հնարաւորինս արագ կը լուծի երաշխիքների հետ կապւած խնդիրները:
Հեռախօսազրոյցի ընթացքում, Արաղչին Գրոսսիին է ներկայացրել Իրան-ԱՄՆ միջնորդաւորւած բանակցութիւնների ընթացքը:
