«ԱԼԻՔ» – Իսլ. յեղափոխութեան առաջնորդ այաթ. Սէյէդ Ալի Խամենէին ցաւակցական ուղերձ է յղել Բանդար Աբբասի «Շահիդ Ռաջայի» նաւահանգստում պայթիւնից բռնկւած խոշոր հրդեհի կապակցութեամբ:
««Շահիդ Ռաջայի» նաւահանգստում տեղի ունեցած հրդեհի ցաւալի միջադէպը վշտի եւ մտահոգութեան առիթ է:
Անվտանգութեան եւ դատական համակարգի պատասխանատուները պարտաւոր են մանրակրկիտ հետաքննել միջադէպն ու բացայայտել ցանկացած անփութութիւն կամ դիտաւորութիւն, եւ հետապնդել այն՝ օրէնքի սահմաններում:
Բոլոր պաշտօնեաները պէտք է իրենց պատասխանատու համարեն ողբերգական ու վնասաբեր միջադէպերը կանխելու համար:
Մաղթում եմ Աստծոյ ողորմութիւնն զոհերի համար, համբերութիւն ու հոգու սփոփոնք՝ նրանց ընտանիքներին, իսկ այս ողբերգական միջադէպից տուժածներին՝ շուտափոյթ ապաքինում: Անկեղծօրէն երախտագիտութիւն եմ յայտնում նրանց, ովքեր կարիքի պահին իրենց արիւնն են տւել վիրաւորներին»,- ասւած է Իսլ. յեղափոխութեան առաջնորդի ցաւակցական ուղերձում:
Նշենք, որ ողբերգական միջադէպի կապակցութեամբ կառավարութիւնն այսօր ազգային սգոյ օր է յայտարարել, իսկ նախագահ Փեզեշքիանն էլ երէկ մենել է Բանդար Աբբաս՝ տեղում փրկարարական աշխատանքները ստուգելու եւ իրավիճակին ծանօթանալու համար:
Նախագահն այցելել է Բանդար Աբբասի հիւանդանոցներում գտնւող վիրաւորներից մի քանիսին։
