Մոսկւան խորապէս մտահոգւած է Հնդկաստան-Պակիստան ռազմական առճակատման սրմամբ
«ԱԼԻՔ» – Մոսկւան խորը մտահոգութիւն է յայտնում Հնդկաստանի եւ Պակիստանի միջեւ ռազմական լարւածութեան աճի կապակցութեամբ՝ Պահալգամում տեղի ունեցած ահաբեկչական յարձակման հետեւանքով։ Այս մասին ըստ ռուսական ՏԱՍՍ-ի՝ յայտնի է դարձել Ռուսաստանի ԱԳՆ պաշտօնական ներկայացուցիչ Մարիա Զախարովայի մեկնաբանութիւնից, որը հրապարակւել է արտաքին քաղաքական գերատեսչութեան կայքում։
«Ռուսաստանը վճռականօրէն դատապարտում է ահաբեկչութեան գործողութիւնները, դէմ է դրա ցանկացած դրսեւորմանը եւ ընդգծում է ամբողջ միջազգային հանրութեան ջանքերի համատեղման անհրաժեշտութիւնը՝ այս չարիքի դէմ արդիւնաւէտ պայքար մղելու համար»,- նշւած է մեկնաբանութեան մէջ։
Ռուսաստանի ԱԳՆ ներկայացուցիչը յայտնել է, որ Մոսկւան կոչ է անում ներգրաււած կողմերին ցուցաբերել զսպւածութիւն՝ տարածաշրջանում իրավիճակի հետագայ սրացումը թոյլ չտալու նպատակով, եւ յոյս է յայտնում, որ իրավիճակը կը լուծւի քաղաքական եւ դիւանագիտական միջոցներով։
