ԻրանՄիջազգայինՔաղաքական
Իրանն ու ԱՄՆ-ը որոշել են միջուկային բանակցութիւնների յաջորդ փուլի ամսաթիւը
«ԱԼԻՔ» – Իրանի եւ ԱՄՆ-ի միջեւ միջուկային բանակցութիւնների յաջորդ փուլի ժամկէտները որոշւած են: Այս մասին «Թեհրանեան երկխօսութիւն 2025» ֆորումի շրջանակում, լրագրողների հետ ճեպազրոյցի ժամանակ յայտարարել է ԱԳ նախարար Սէյէդ Աբբաս Արաղչին:
Նա ասել է, որ ԱՄՆ-ի հետ բանակցութիւնների յաջորդ փուլի ամսաթիւն արդէն որոշւած է եւ կը յայտարարւի առաջիկայում։
«Բանակցութիւնների յաջորդ փուլը, հաւանաբար, տեղի կունենայ մօտ ժամանակներս»,- ասել է նա՝ յաւելելով, որ բանակցութիւնների ժամանակն ու վայրը կը հրապարակւեն աւելի ուշ։
Այն հարցին, թէ արդեօք Օմանն Իրանին որեւէ հաղորդագրութիւն է փոխանցել ԱՄՆ-ից, Արաղչին պատասխանել է. «Մենք Օմանից որեւէ գրաւոր հաղորդագրութիւն չենք ստացել»։
