Գեղամ Մանուկեան. «Հայրենիքը սակարան չէ, ծառայութիւնը բոլորիս պարտքն է»
«ԱԼԻՔ» – ՀՅԴ Հայաստանի ԳՄ անդամ, ՀՀ ԱԺ «Հայաստան» խմբակցութեան պատգամաւոր Գեղամ Մանուկեանը յայտնել է, որ այս օրերին մեծ աղմուկ բարձրացրած «փրկագնով» բանակից ազատւելու մասին օրէնքի նախագիծը երկուշաբթի վաղ առաւօտեան, ժամը 9։00 քննարկւելու է ՀՀ ԱԺ Պաշտպանութեան եւ անվտանգութեան հարցերի մշտական յանձնաժողովում։
«Պատրաստւում եմ այդ անկիւնադարձային նիստին։ Ամէն ինչ պէտք է անենք, որ՝
– հակասահմանադրական օրէնքը չընդունւի։
– Սրանով չփլուզւի մեր պաշտպանական, անվտանգային համակարգը։
– Հայրենիքը չդառնայ փող, փողատերը՝ «արտօնեալ», շինականը՝ պարտաւոր։
Մանրակրկիտ, փաստարկներով պատրասւում են հապշտապ հրաւիրւելիք նիստին՝ յանուն մեր Երկրի, ապագայի, Զինւած ուժերի, մեր հազարաւոր նահատակների ու այս պահին Հայրենիքի առաջ, դժւարին պայմաններում իրենց պարտքը կատարող ու բոլորիս խաղաղութիւնն ապահովող դիրքապահի։
Երկուշաբթի թէժ է լինելու։ Հետեւէք նիստին։
Հայրենիքը սակարան չէ, ծառայութիւնը բոլորիս պարտքն է»,- ֆէյսբուքեան իր էջում գրել է նա:
