Սամուէլ Կարապետեանի կալանքը 2 ամսով երկարաձգւել է
«ԱԼԻՔ» – Անւանի գործարար եւ բարերար, քաղբանտարկեալ Սամուէլ Կարապետեանի կալանքի ժամկէտը 2 ամսով երկարաձգւել է: Այս մասին ըստ հայաստանեան ԶԼՄ-ների՝ յայտնել են Կարապետեանի փաստաբանական թիմի անդամները:
Որոշումը կայացրել է Հակակոռուպցիոն դատարանի դատաւոր Տիգրան Դաւթեանը։
Կարապետեանի փաստաբաններից մէկը յայտնել է, որ դատարանը գտել է, որ հիմնաւոր կասկածն առկայ է առաջին կոչի վերաբերեալ մեղադրանքում, իսկ Կարապետեանին առաջադրւած միւս մեղադրանքներում, ըստ դատարանի՝ բացակայում է հիմնաւոր կասկածը:
Պաշտպանական կողմն այսօր՝ օգոստոսի 16-ին, կը դիմի ՀՀ Վերաքննիչ դատարան, յատուկ վերանայման բողոք ներկայացնելու:
Յիշեցնենք, որ Սամուէլ Կարապետեանը կալանաւորւել է յունիսի 18-ին, երկու ամսեայ ժամկէտով: Նա մեղադրւում է իշխանութիւնը զաւթելու, սահմանադրական կարգը բռնի տապալելու հրապարակային կոչ անելու համար։
