Իրաւանի. «Այսօր նոր փորձութիւնների միջով է անցնում մեր երկիրն ու ժողովուրդը, վերստին կանգնած ենք անվտանգային հիմնախնդիրների առջեւ»
«ԱԼԻՔ» – Իրանի միջուկային ծրագրի վերաբերեալ Եւրաեռեակի» առաջարկը լի է անիրատեսական նախապայմաններով։ Այս մասին յայտարարել է ՄԱԿ-ում Իրանի մշտական ներկայացուցիչ Ամիր Սայիդ Իրաւանին:
«Նրանք առաջ են քաշում պայմաններ, որոնք պէտք է դառնան բանակցութիւնների արդիւնք, այլ ոչ թէ ելակէտ, եւ նրանք գիտեն, որ այդ պահանջները չեն կարող կատարւել»,- ասել է նա՝ յաւելելով. «Երեք եւրոպական երկրների անխոհեմ որոշումը թուլացրել է Իրանի համագործակցութիւնը Ատոմային էներգիայի միջազգային գործակալութեան հետ, եւ համարւում է անօգուտ ու սադրիչ սրացում։ Եթէ նման գործողութիւնը չզսպւի, երեք եւրոպական երկրների ընտրած ուղին լրջօրէն կը վնասի Անվտանգութեան խորհրդի հեղինակութիւնն ու ամբողջականութիւնը, եւ լուրջ վտանգի կենթարկի միջազգային խաղաղութիւնն ու անվտանգութիւնը»:
Իրաւանին յստակեցրել է, որ Իրանը յանձնառու է դիւանագիտութեանը, բայց երբեք չի բանակցի սպառնալիքի կամ հարկադրանքի ներքոյ։
«Մենք բաց ենք արդար բանակցութիւնների համար, սակայն, պատժամիջոցների վերականգնմանն ուղղւած արագ արձագանքման մեխանիզմին դիմելու անխոհեմ փորձը խաթարում է այդ ջանքերը։ Այս գործողութեանը կը յաջորդի վճռական եւ համաչափ պատասխան։
Իրանը պատրաստ է կառուցողականօրէն համագործակցել դիւանագիտութեան, արդարադատութեան եւ խաղաղութեան կողմնակից կողմերի հետ։
Իրանը յանձնառու է դիւանագիտութեանը, բայց երբեք չի բանակցի սպառնալիքի կամ հարկադրանքի ներքոյ։
Ճնշման մեթոդները նախատեսւած են թելադրանքներ պարտադրելու, այլ ոչ թէ խնդիրներ լուծելու համար, եւ Իրանը երբեք չի ընկրկի դրանց առջեւ»,- ընդգծել է նա:
