Օվերչուկ. «Հարաւային Կովկասում արտատարածաշրջանային խաղացողների հնարաւոր ներկայութիւնը մտահոգիչ է»

«ԱԼԻՔ» – Հարաւային Կովկասում արտատարածաշրջանային խաղացողների հնարաւոր ներկայութիւնը մտահոգիչ է, մտավախութիւն կայ, որ նրանց ներկայութիւնը կը խախտի ստեղծւած հաւասարակշռութիւնը այս շատ փխրուն տարածաշրջանում։ Ինչպէս հաղորդում է Tert.am-ը՝ «ՌԻԱ Նովոստի»-ին տւած հարցազրոյցում յայտարարել է Ռուսաստանի փոխվարչապետ Ալեքսէյ Օվերչուկը:

«Չի կարելի չասել, որ մտահոգութիւն կայ Հարաւային Կովկասում արտատարածաշրջանային ներկայացուցիչների հնարաւոր ներկայութեան վերաբերեալ։ Մտավախութիւն կայ, որ նման ներկայութիւնը կը խախտի ստեղծւած հաւասարակշռութիւնը այս շատ փխրուն տարածաշրջանում»,- Օվերչուկն այս մասին ասել է Արեւելեան տնտեսական ֆորումում՝ պատասխանելով այն հարցին, թէ արդեօք կան ռիսկեր Ռուսաստանի համար՝ կապւած «Զանգեզուրի միջանցք»-ի վերահսկողութիւնը 99 տարի ժամկէտով Միացեալ Նահանգներին փոխանցելու հետ։