Բագրատ Սրբազան. «Այն, որ ճշմարտութիւնը, արդարութիւնը եւ Հայաստանը յաղթանակելու են ակնյայտ է»
«ԱԼԻՔ» – «Սրբազան շարժման» առաջնորդ, քաղբանտարկեալ Բագրատ արք. Գալստանեանը հերթական նամակն է յղել ՀՀ ԱԱԾ կալանավայրից:
Նամակում մասնաւորապէս նշւած է.
«Այն, որ… ակնյայտ է…
Այն, որ Փ.Ն.-ն (Նիկոլ Փաշինեան-ԽՄԲ.) եւ իր խմբակը ուրացող են, դա ակնյայտ է…
Այն, որ ես եւ մենք նախաձեռնել ենք հեռացնել չարիքը, դա էլ է ակնյայտ…
Այն, որ 2024 թ. ապրիլից ամէն սուտ, լուտանք եւ զրպարտութիւն նետել են մեր հասցէին, դա էլ է ակնյայտ…
Այն, որ 2024-25 թթ. ապօրինի կերպով հարիւրաւոր հայրենատէր մարդկանց են ձերբակալել, կալանաւորել, խոշտանգել եւ հալածանքի ենթարկել, դա էլ է ակնյայտ…
Այն, որ յունիս 12-ին ռմբահարել են խաղաղ ժողովրդին եւ իրենք են ահաբեկիչներ, դա էլ է ակնյայտ…
Այն, որ գլխաւոր դատախազը եւ քննչական կոմիտէի խեղճ ղեկավարը ստախօս, խաբեբաներ են, դա էլ է ակնյայտ…
Այն, որ նրանք քաղաքական հրահանգով հնարել եւ ապա նենգափոխել են իրականութիւնը, դա էլ է ակնյայտ…
Այն, որ այս երկուսը անպայման ենթարկւելու են իրաւական պատասխանատւութեան, դա էլ է ակնյայտ…
Այն, որ այս ամբողջը քաղաքական հետապնդում է, դա էլ է ակնյայտ…
Այն, որ ԱԺ-ում հայրենավաճառները խախտել են մեր անմեղութեան կանխավարկածը, դա էլ է ակնյայտ…
Եւ վերջապէս… Այն, որ ճշմարտութիւնը, արդարութիւնը եւ Հայաստանը յաղթանակելու է, դա էլ է ակնյայտ…
Այն, որ այս մասին չարիքն ու իր խմբակն էլ գիտեն եւ հէնց այդ փաստից են սարսափած, դա էլ է ակնյայտ…
Եւ յաղթանակն այլընտրանք չունի։
Յ. Գ. – Ի հետեւումն անցեալ օրը դատարանում պաշտպանիս՝ Յովհաննէս Խուդոյեանի ներկայացրած իրականութեանը»։
