Վարդան Ոսկանեան. «Գիտակցաբար, թէ անգիտակցաբար փորձ է կատարւում Հայաստանը ներկառուցել «թուրքական աշխարհին» կամ քաղաքական իմաստով «Թուրան» կոչեցեալին»
«ԱԼԻՔ» – «Եթէ վերանանք «մանր» խնդիրներից եւ փորձենք այժմ Հայաստանում եւ Հայաստանի շուրջ ընթացող գործընթացները դիտարկել աւելի ընդգրկուն հայեացքով, ապա, նկատելի է, որ գիտակցաբար թէ անգիտակցաբար փորձ է կատարւում Հայաստանը ներկառուցել, այսպէս կոչւած, «թուրքական աշխարհին» կամ, աւելի հասկանալի լեզւով ասած, քաղաքական իմաստով «Թուրան» կոչեցեալին»։ Այս մասին սոցցանցերի իր հարթակներում գրել է իրանագէտ Վարդան Ոսկանեանը:
«Ինքը՝ «թուրքական աշխարհ» ձեւակերպումը իրականում դեռեւս պայմանական հասկացութիւն է, որը հակառուսական, հակաչինական եւ հակաիրանական հեռագնայ նպատակներով արտաքին մշտական միջամտութեամբ արհեստականօրէն բիւրեղացւում է գաղափարական, քաղաքական, տնտեսական, մշակութային եւ այլ ասպարէզներում թուրքալեզու պետութիւնների միջեւ կառուցակարգային յարաբերութիւնների խթանմամբ, սակայն այդ ամէնն առոչինչ է, քանի այդ «աշխարհից» դուրս կայ իր հինաւուրց պետականութեամբ եւ աշխարհագրութեամբ պատրանքային «Թուրանը» Թուրքիայի եւ մնացեալի բաժանող Հայաստանը։
Արդի աշխարհում գոյութիւն ունեն պետութեան նւաճման ոչ ֆիզիկական բազմաթիւ հնարաւորութիւններ՝ գաղափարական, տնտեսական, խամաճիկային կառավարման ձեւաւորման եւ այլ միջոցներով։ Հայաստանը, փառք Աստծոյ, դեռեւս նւաճւած չէ, բայց չեմ կարծում, թէ մեր երազանքն է ապրել «թուրքական աշխարհի» համար կցորդ եւ այդ «աշխարհին» լոգիստիկ եւ այլ ծառայութիւններ մատուցող մի երկրում»,-գրել է նա։
