Լեւոն Զուրաբեանը՝ իշխանութիւնների մասին. «Սրանք իրենց երեխաների աչքերին գոնէ կարողանո՞ւմ են նայել»

«ԱԼԻՔ» – Լեւոն Զուրաբեանը ֆէյսբուքեան իր էջում գրում է.

«Երկարատեւ եւ անշրջելի խաղաղութիւն է խոստանում մի ուժ, որի կառավարման տարիներին`

– ունեցանք 10 ռազմական բախում Ադրբեջանի հետ,

– կորցրեցինք Արցախը որպէս մի ամբողջ հայկական աշխարհ, ինչի նման բան եղել էր միայն 1915 թւականին, երբ կորցրեցինք արեւմտեան հայկական աշխարհը,

– կորցրեցինք 5000 մարդկային կեանք,

– յանձնեցինք ռազմավարական բարձունքներ՝ ստանալով մի քանի կիլոմետրի սահմանազատում,

– յանձնեցինք Հայաստանի Հանրապետութեան 200-ից աւելի քառակուսի կիլոմետր ինքնիշխան տարածք,

– ստանձնեցինք Ադրբեջանին միակողմանի «անխոչընդոտ» միջանցք յանձնելու միջազգային պարտաւորութիւն,

– ընդունեցինք Ադրբեջանի անխտիր բոլոր պահանջները խաղաղութեան պայմանագրի տեքստի վերաբերեալ,

եւ այդ ամէնից յետոյ

– միեւնոյն է չունենք Ադրբեջանի ստորագրութիւնը խաղաղութեան պայմանագրի տակ,

– չունենք հաղորդակցութեան ուղիների ապաշրջափակում, մասնաւորապէս, հայ-թուրքական սահմանի բացում,

– մեզանից պահանջում են հանել Սահմանադրութիւնից յղումն անկախութեան հռչակագրի վրայ,

– մեզանից պահանջում են ադրբեջանական անկլաւների վերադարձ,

– մեզանից պահանջում են 300.000 ադրբեջանցիների վերադարձ Հայաստան,

– մեզանից պահանջում են պատմամշակութային ինքնութեան «դենացիֆիկացիա», ներառեալ «տարածաշրջանային անվտանգութեան սպառնալիք»` Հայ Առաքելական Սուրբ Եկեղեցու կազմաքանդում:

Հա, հաստատ վստահեցինք:

Սրանք իրենց երեխաների աչքերին գոնէ կարողանո՞ւմ են նայել»։