Սերգէյ Շոյգուի դէմ մահափորձը կանխւել է

«ԱԼԻՔ» – Ռուսաստանի Դաշնութեան Անվտանգութեան դաշնային ծառայութիւնը բացայայտել է, որ դիւերսիոն խումբը պայթիւն է նախապատրաստել Մոսկւայի Տրոեկուրովիան գերեզմանատանը, թիրախը եղել է Ռուսաստանի Անվտանգութեան խորհրդի քարտուղար Սերգէյ Շոյգուն,- հաղորդում է Tert.am-ը:

Աւելի վաղ Ռուսաստանի Դաշնութեան Անվտանգութեան դաշնային ծառայութիւնը յայտնել էր, որ բացայայտել է ահաբեկչական յարձակում, բայց չէր նշել, թէ կոնկրետ ում էին թիրախաւորել ահաբեկիչները։

Ռուսական ՏԱՍՍ լրատւականն էլ յայտնում է, որ մեղադրեալները տեղադրել էին տեսախցիկներ՝ Շոյգուի տեղաշարժին հետեւելու համար։