Քահանաները դատապարտում են Տէր Երւանդ քահանայ Բաբայեանի արարքը
«ԱԼԻՔ» – Մի քանի հոգեւորականներ քննադատել են Տէր Երւանդ քահանայ Բաբայեանին, որը նոյեմբերի 23-ին Արարատ գիւղի Սուրբ Յակոբ եկեղեցում Սուրբ Պատարագի ընթացքում միտումնաւոր չի հնչեցրել Ամենայն Հայոց Կաթողիկոս Գարեգին Բ-ի անունը: Հաղորդում է Alpha News-ը:
«Մայր Աթոռի հանդէպ հաւատարմութիւնը, սէրն ու նւիրւածութիւնը հոգեւորականի համար անխախտ ուխտ պիտի լինեն, եկեղեցու կանոնական, աստւածաբանական, դաւանաբանական հարցերի ոտնահարումը` դատապարտելի»,- գրել է Մխչեան գիւղի Սուրբ Յովհաննէս Մկրտիչ եկեղեցու վանահայր Տէր Եփրեմ քահանայ Յարութիւնեանը:
Քննադատութիւններին միացել են Բիւրաւանի եկեղեցու հոգեւոր հովիւ Տիրան Նահապետեանը, Մրգաւանի հոգեւոր հովիւ Միքայէլ Նուրիջանեանը, Արարատ քաղաքի Սուրբ Ամենափրկիչ եկեղեցու հոգեւոր հովիւ Արծրուն Միքայէլեանը, Դաշտաւանի եկեղեցու հոգեւոր հովիւ Աբրահամ Մարտիրոսեանը եւ Տէր Բենիամին քահանայ Ծատուրեանը:
