Թուրք պատգամաւորներն այցելել են Օջալանին բանտում
«ԱԼԻՔ»- Թուրքիայի խորհրդարանը յայտարարել է, որ պատգամաւորների մի խումբ բանտում հանդիպել է PKK-ի հիմնադիր Աբդուլլահ Օջալանի հետ: Հաղորդում է News.am-ը:
«Դա PKK-ի առաջնորդի հետ առաջին պաշտօնապէս թոյլատրւած միջկուսակցական հանդիպումն է»,- հաղորդել է «Թուրքիայի ձայն»-ը:
Բանակցութիւնները տեղի են ունեցել Իմրալի կղզու բանտում: Պատւիրակութեան կազմում են եղել իշխող «Արդարութիւն եւ զարգացում» կուսակցութեան ներկայացուցիչը, ազգայնական «Ազգային շարժում» կուսակցութեան փոխնախագահը եւ ձախակողմեան քրդամէտ «Ժողովրդական դեմոկրատական կուսակցութեան» փոխնախագահը:
«Ազգային շարժում» կուսակցութեան առաջնորդ Դեւլեթ Բահչելին բարձր է գնահատել այցը՝ նշելով, որ Օջալանը շարունակում է կարեւոր դէմք մնալ կառավարութեան «ահաբեկչութիւնից զերծ Թուրքիա» կառուցելու նպատակին հասնելու գործում:
«Ժողովրդական դեմոկրատական կուսակցութիւն»-ը հանդիպումը «պատմական քայլ» է որակել եւ բոլոր քաղաքական ուժերին երկխօսութեան կոչ է արել: Ընդդիմադիր «Ժողովրդա-հանրապետական կուսակցութիւն»-ը հրաժարւել է մասնակցել՝ վկայակոչելով թափանցիկութեան բացակայութիւնը:
Յիշեցնենք, որ մայիսին PKK-ն յայտարարել է, որ լուծարում է իր կազմակերպչական կառուցւածքը եւ դադարեցնում զինւած պայքարը: Այդ որոշումները իրագործելու պարտականութիւնը դրւած է խմբի բանտարկւած առաջնորդ Աբդուլլահ Օջալանի վրայ:
