Արմէն Ռուստամեան. «Այսօր կայ մէկ գլխաւոր օրակարգ՝ հայ ինքնութեան պահպանման օրակարգը»
«ԱԼԻՔ» – Դեկտեմբերի 29-ին «Երկիր մեդիա» հեռուստաընկերութեան «Երկրի հարցը» հաղորդումը հիւրընկալել էր ՀՅԴ Բիւրոյի ներկայացուցիչ, ՀՀ ԱԺ պատգամաւոր Արմէն Ռուստամեանին:
Նա ամփոփել է անցնող քաղաքական տարին, ինչպէս նաեւ քաղաքական գնահատական տւել ՀՀ իշխանութիւնների վերջին 8 տարւայ գործունէութեանը:
«Պէտք է յիշենք, թէ ինչ ունէինք մինչեւ 2018 թւականը ազգովի եւ ինչ ունենք այսօր: Ունէինք մի կարեւոր ձեռքբերում, որ մեր յաղթական ազատամարտի արդիւնքն էր՝ ամբողջական վերահսկողութիւն Հայաստանի եւ Արցախի վրայ, ունէինք յաղթանակած բանակ, իսկ այսօր ունենք ճիշտ հակառակը՝ հայաթափւած եւ յանձնւած Արցախ, մարտունակութիւնը կորցրած բանակ: Առաջացել են լրջագոյն խնդիրներ Հայաստանի տարածքային ամբողջականութեան եւ ինքնիշխանութեան հետ կապւած»,- ասել է Արմէն Ռուստամեանը:
Անդարադարձ է կատարւել նաեւ քաղաքական դաշտում, 2026 թւականի ընտրութիւններին ընդառաջ, հանրաւոր զարգացումներին եւ վերադասաւորումներին:
Արմէն Ռուստամեանի գնահատմամբ՝ իշխանափոխութիւն հնարաւոր է միայն ընդդիմադիր ուժերի՝ ընդհանուր օրակարգի շուրջ համախմբմաբ: «ԱԺ անցողիկ շեմը յաղթահարած ոչ մի ընդդիմադիր քաղաքական ուժ չի կարող յաղթած համարել իրեն, եթէ ընդհանուր հաշւարկով խորհրդարանում օրւայ ընդդիմութիւնը չկարողանայ ապահովել մեծամասնութիւն»,- նշել է Արմէն Ռուստամեանը:
