Ռուս դիւանագէտ․ Վաշինգտոնի ագահ քաղաքականութիւնը փակուղու է մատնել դիւանագիտութիւնը

Վիեննայում՝ Ռուսաստանի մնայուն ներկայացուցիչ Միխայիլ Ուլիանովը, յայտարարել է, որ Վաշինգտոնի ագահութիւնն ու պահանջները հանգեցրել են Իրանի եւ ԱՄՆ-ի միջեւ դիւանագիտական փակուղուն։

ԻՌՆԱ-ի հաղորդմամբ՝ Ուլիանովը նշել է, որ Ռուսաստանը պատրաստ է միջնորդի դեր ստանձնել Թեհրանի եւ Վաշինգտոնի միջեւ՝ երկու կողմերի համաձայնութեան դէպքում, սակայն կողմերը դեռ չեն արձագանքել:

Նա ընդգծել է, որ Թեհրանն ու Վաշինգտոնը նախ պէտք է անմիջական բանակցութիւններ վարեն, սակայն ներկայ իրավիճակում ամերիկեան կողմի կեցւածքն է խոչընդոտում դիւանագիտական գործընթացը։

Ուլիանովը նաեւ յայտարարել է, որ ի տարբերութիւն արեւմտեան երկրների՝ Մոսկւան չի ձգտում լարւածութեան սրմանը եւ այդ պատճառով ներկայ փուլում չի պահանջում Ատոմային էներգիայի միջազգային գործակալութեան կողմից Իրանի միջուկային հաստատութիւններում ստուգումների անյապաղ վերականգնում։