Իրանի վերջնական տեքստը դեռեւս քննարկման փուլում է. դեռ պատասխան չի ուղարկւել

Իրանի եւ ԱՄՆ-ի միջեւ պատերազմի աւարտի հնարաւոր փոխըմբռնման յուշագրի վերջին քննարկումների վերաբերեալ տեղեկացւած աղբիւրը «Մեհր» լրատւական գործակալութեանը յայտնել է, որ Իրանի վերջնական տեքստը դեռեւս քննարկւում է Թեհրանում, եւ առայժմ որեւէ պատասխան չի ուղարկւել։

Նա յաւելել է, որ ԱՄՆ-ի պայմանաւորւածութիւնները խախտելու անցեալը եւ պատմական անվստահութիւնը պատճառ են դարձել, որ Իրանը հարցին մօտենայ չափազանց խիստ կերպով։

Իրանի բանակցային պատւիրակութեանը մօտ կանգնած անձը շեշտել է, որ Իրանը, հիմնւելով նախորդ փորձի վրայ, ձգտում է ստանալ իրական եւ շօշափելի արդիւնք։