«Հրապարակ». Ընդդիմութիւնը մանդատների հարցով որոշում ունի
Սամուէլ Կարապետեանի վերջին հարցազրոյցից պարզ դարձաւ, որ ընդդիմութիւնը վերցնելու է մանդատները, սպասում են ՍԴ որոշմանը, որից յետոյ այդ մասին յայտարարութիւն կը հնչի։
Կարապետեանը յայտարարեց, որ «մանդատները չվերցնելու» նարատիւը զարգացնում են իշխանութիւնն ու նրա աջակից ուժերը:
Քոչարեանի թիմը նոյնպէս կողմ է մանդատները վերցնելուն: Ընդդիմութեան այս որոշումը հակասական տրամադրութիւններ է առաջացրել ՔՊ-ում. ոմանք ցնծում են, որ մարդագողութեան ճանապարհով սահմանադրական մեծամասնութիւն կը զաւթեն, ոմանք կարծում են, որ իրենք մեծամասնութեան կարիքը չունեն, Սահմանադրութիւնը կարող են նաեւ 300 հազար ստորագրութեամբ դնել հանրաքւէի եւ առանց ընդդիմութեան՝ Վրաստանի պէս, եօլա գնալ, յատկապէս ունեն Արեւմուտքի աջակցութիւնը, եւ քաղաքական ճգնաժամի մասին խօսք լինել չի կարող։
Սակայն Կարապետեանի յայտարարութիւնը միանշանակ չի ընդունւել ընդդիմութեան դաշտում, ոմանց համոզմամբ՝ դա չի նպաստելու ընդդիմադիր դաշտի համախմբմանը, եւ հանրութեան մի մեծ հատւած էլ խիստ դժգոհ է մնալու:
