Արաղչի. «Վերջին յարձակումները ցոյց են տալիս, որ ԱՄՆ-ն իր պարտաւորութիւններին որեւէ արժէք չի հաղորդում, պայմանաւորւածութիւնները խախտելը նրանց բնոյթի մասն է կազմում»
Վերջին յարձակումները ցոյց են տալիս, որ ԱՄՆ-ն իր պարտաւորութիւններին որեւէ արժէք կամ հաւաստիութիւն չի հաղորդում, եւ պայմանաւորւածութիւնները խախտելը նրանց բնոյթի մասն է կազմում։ Այս մասին յայտնել է Իրանի արտգործնախարար Աբբաս Արաղչին։
Թեհրանը նաեւ յայտարարել է, որ ԱՄՆ գործողութիւնները հակասում են միջազգային իրաւունքի սկզբունքներին եւ ՄԱԿ-ի կանոնադրութեանը։
Արաղչի. «Իրաքն առաջարկել է ստեղծել «2+6» տարածաշրջանային ձեւաչափ՝ Պարսից ծոցի գօտում անվտանգութիւնն ապահովելու համար»
Իրանը ողջունում է Պարսից ծոցի գօտում անվտանգութիւնն ապահովելու համար «2+6» տարածաշրջանային ձեւաչափ ստեղծելու մասին Իրաքի առաջարկը։ Այս մասին յայտարարել է Իրանի արտգործնախարար Աբբաս Արաղչին։
Ինչպէս հաղորդում է «ՖԱՐՍ»-ը, նախաձեռնութիւնը նախատեսում է երկխօսութիւն անցկացնել Պարսից ծոցի արաբական պետութիւնների համագործակցութեան խորհրդի անդամ երկրների միջեւ՝ մի կողմից, եւ Իրանի ու Իրաքի՝ միւս կողմից, առանց արտաքին խաղացողների մասնակցութեան։
Թեհրանը աջակցում է նման մօտեցմանը եւ կարծում է, որ տարածաշրջանային անվտանգութեան հարցերը պէտք է լուծւեն բացառապէս հէնց տարածաշրջանի երկրների կողմից։
Արաղչին նաեւ յայտարարել է, որ համապատասխան փոխըմբռնման առաջին կէտի համաձայն, Լիբանանում ռազմական գործողութիւնները պէտք է դադարեցւեն, ընդ որում, Իսրայէլի հարւածների եւ Լիբանանի օկուպացւած շրջաններից զօրքերի դուրսբերման պատասխանատւութիւնը, ըստ նրա, կրում է ԱՄՆ-ն։
